ഫോബ്‌സ് പട്ടികയിൽ ഇടം നേടി മമ്മൂട്ടി

ഏറ്റവും കൂടുതൽ വരുമാനം നേടിയ താരങ്ങളുടെ പട്ടികയിൽ മമ്മൂട്ടിയും. പട്ടികയിൽ 49- മത് സ്ഥാനത്താണ് മമ്മൂട്ടി. ഫോബ്സ് പുറത്ത് വിട്ട പട്ടികയിൽ ആദ്യ അമ്പതിൽ ഉള്ള ഏക മലയാളി താരമാണ് മമ്മൂട്ടി.

18കോടി രൂപയാണ് കഴിഞ്ഞ വർഷത്തെ താരത്തിന്റെ വരുമാനം. ക്രിക്കറ്റ്‌ താരങ്ങളായ ഭുവനേശ്വർ കുമാർ, സുരേഷ് റെയിന എന്നിവരെ പിന്തള്ളിയാണ് മമ്മൂട്ടി 49-മത് സ്ഥാനത്തുള്ളത്.

2017ഒക്ടോബർ ഒന്ന് മുതൽ 2018 സെപ്റ്റംബർ 30വരെയുള്ള വരുമാനമാണ് ഫോബ്സ് കണക്കാക്കിയിരിക്കുന്നത്. 17.26കോടിയുമായി 52-മത് സ്ഥാനത്ത്‌ ഭുവനേശ്വർ കുമാറും 17.25കോടിയുമായി തമിഴ് നടൻ ധനുഷും 16.96 കോടിയുമായി റെയിന 55-മത് സ്ഥാനത്തുമാണ്. തുടർച്ചയായ മൂന്നാം തവണയും ഒന്നാം സ്ഥാനം ബോളിവുഡ് താരം സൽമാൻ ഖാൻ സ്വന്തമാക്കി. 253.25 കോടിയാണ് സൽമാന്റെ വരുമാനം.