സംരംഭകർക്ക് ആശ്വാസമായി ഫോബ്അപ്പ് സൊലൂഷൻസ്

ഓഡിറ്റിങ്, ജി എസ് ടി, ആദായനികുതി എന്നിവയുമായി ബന്ധപ്പെട്ട വിഷയങ്ങൾ കൈകാര്യം ചെയ്യുന്ന സ്ഥാപനമായ ഫോബ്അപ്പ് സൊലൂഷൻസ്, പൊന്നാനി ചമ്രവട്ടം ജംക്ഷനിൽ ഉദ്ഘാടനം ചെയ്തു. സി എം എ പ്രൊഫഷണലായ സുബീഷ് മോഹൻദാസിന്റെ നേതൃത്വത്തിലാണ് സ്ഥാപനം ആരംഭിച്ചിരിക്കുന്നത്. തൃശൂർ, എടപ്പാൾ കേന്ദ്രീകരിച്ച് പ്രവർത്തിക്കുന്ന പ്രസിദ്ധ സി എം എ പരിശീലന കേന്ദ്രമായ ബി സി അക്കാദമിയുടെ ഡയറക്ടർ ഷാഹുൽ ഹമീദാണ് ഉദ്ഘാടനം നിർവഹിച്ചത്. ജി എസ് ടി രജിസ്ട്രേഷൻ, കോസ്റ്റ് ഓഡിറ്റിംഗ്, ആദായനികുതി റിട്ടേൺ ഫയലിംഗ്, തുടങ്ങി നിരവധി സേവനങ്ങളാണ് സ്ഥാപനം ചെയ്തുകൊടുക്കുന്നത്. ബി സി അക്കാദമിയിൽ നിന്ന് വിജയകരമായി പഠനം പൂർത്തിയാക്കിയ മികച്ച വിദ്യാർഥികളിലൊരാളാണ് സുബീഷ് മോഹൻദാസെന്നും, അദ്ദേഹത്തിന്റെ നേതൃത്വത്തിൽ ഒരു പുതിയ സ്ഥാപനം ആരംഭിച്ചതിൽ തനിക്ക് അഭിമാനമുണ്ടെന്നും ബി സി അക്കാദമി ഡയറക്ടർ ഷാഹുൽ ഹമീദ് അഭിപ്രായപ്പെട്ടു. സി എം എ കോഴ്സിന് സമൂഹത്തിന് മൂല്യം വർധിച്ചു വരികയായെന്നും, കോസ്റ്റ് അക്കൗണ്ടന്ററുകൾക്ക് വലിയൊരു ഉത്തരവാദിത്വമാണ് സമൂഹത്തിന് വേണ്ടി നിർവഹിക്കാനുള്ളതെന്നും ഷാഹുൽ ഹമീദ് കൂട്ടിച്ചേർത്തു. വ്യവസായങ്ങളുമായി ബന്ധപ്പെട്ട നിരവധി വിഷയങ്ങൾ കൈകാര്യം ചെയ്യുന്ന ഈ സ്ഥാപനം പൊന്നാനിയിലെയും മറ്റ് പ്രദേശങ്ങളിലെയും നിരവധി സംഭരംഭകർക്ക് ഒരു വലിയ കൈത്താങ്ങാകും