മൈക്രോ സോഫ്റ്റിന്റെ ഏഷ്യയിലെ ഏറ്റവും വലിയ നിക്ഷേപം ഇന്ത്യയിൽ; 1.5 ലക്ഷം കോടി രൂപയുടെ എ.ഐ സ്വപ്നങ്ങൾ

ഇന്ത്യയുടെ നിർമിത ബുദ്ധി (എ.ഐ) സ്വപ്നങ്ങൾക്ക് നിറം പകർന്ന്, ഇവിടെ ഭീമമായ നിക്ഷേപം നടത്താൻ ആഗോള ടെക് ഭീമനായ മൈക്രോ സോഫ്റ്റ്. 1.5 ലക്ഷം കോടി രൂപയുടെ (17.5 ബില്യൺ യു.എസ് ഡോളർ) നിക്ഷേപമാണ് രാജ്യത്ത് നടത്തുക. ഏഷ്യയിൽ മൈക്രോസോഫ്റ്റ് നടത്തുന്ന ഏറ്റവും വലിയ ഇൻവെസ്റ്റ്മെന്റാണിത്. രാജ്യത്തിന്റെ നിർമിത ബുദ്ധി മേഖലയ്ക്ക് ഊർജ്ജം പകരുകയാണ് ലക്ഷ്യം.

ഇന്ത്യൻ പ്രധാനമന്ത്രി നരേന്ദ്ര മോദി, മൈക്രോ സോഫ്റ്റ് സി.ഇ.ഒ സത്യ നാദെല്ല എന്നിവർ തമ്മിൽ ഡൽഹിയിൽ നടന്ന കൂടിക്കാഴ്ച്ചയ്ക്ക് ശേഷമാണ് വലിയ പ്രഖ്യാപനമുണ്ടായത്. ഇന്ത്യയിലെ വികസിച്ചു വരുന്ന നിർമിത ബുദ്ധി സംബന്ധിച്ചാണ് പ്രധാനമായും ചർച്ചകൾ നടന്നത്.

നാദെല്ലയുടെ വാക്കുകൾ

ഈ കൂടിക്കാഴ്ച്ചയ്ക്ക് ശേഷം, ഇന്ത്യയുടെ എ.ഐ സാധ്യതകളുമായി ബന്ധപ്പെട്ട് പ്രചോദനാത്മകമായ സംഭാഷണത്തിന് പ്രധാനമന്ത്രി നരേന്ദ്ര മോദിക്ക് നന്ദി പറയുന്നതായി സത്യ നദെല്ല എക്സിലൂടെ അറിയിച്ചു. 'നിർമിത ബുദ്ധിയുമായി ബന്ധപ്പെട്ട രാജ്യത്തിന്റെ അഭിലാഷങ്ങൾ നിറവേറ്റുന്നതിനായി മൈക്രോ സോഫ്റ്റ് 17.5 ബില്യൺ ഡോളറിന്റെ നിക്ഷേപം നടത്തും..

ഇത് ഏഷ്യയിലെ ഞങ്ങളുടെ ഇതുവരെയുള്ളതിൽ ഏറ്റവും വലിയ ഇൻവെസ്റ്റ്മെന്റാണ്. ഇൻഫ്രാസ്ട്രക്ചർ, സ്കിൽസ്, ശേഷി വികസനം എന്നിവയിലൂടെ ഇന്ത്യയുടെ എ.ഐ ഫസ്റ്റ് ഫ്യൂച്ചർ പടുത്തുയർത്തുകയാണ് ലക്ഷ്യം' - നദെല്ല കുറിച്ചു

മോദിയുടെ വാക്കുകൾ

ചരിത്രപരമായ ഈ നീക്കത്തെക്കുറിച്ച് പ്രധാനമന്ത്രി നരേന്ദ്ര മോദിയും എക്സിൽ കുറിച്ചു. 'നിർമിത ബുദ്ധിയുമായി ബന്ധപ്പെട്ട് ലോകം ഇന്ത്യയിൽ ശുഭപ്രതീക്ഷ പുലർത്തുന്നു. സത്യ നദെല്ലയുമായി വളരെ ഉല്പാദനക്ഷമമായ ചർച്ചയാണ് നടന്നത്. മൈക്രോ സോഫ്റ്റ് ഏഷ്യയിലെ, ഇതു വരെയുള്ളതിൽ ഏറ്റവും വലിയ നിക്ഷേപം നടത്തുന്നത് ഇന്ത്യയിലാണെന്നത് സന്തോഷം പകരുന്നു..