വാറൻ ബഫറ്റിന്റെ 'സുവർണ' നിയമങ്ങൾ; ആർക്കും പണമുണ്ടാക്കാൻ സഹായകമായ പ്രായോഗിക മാർഗങ്ങൾ

ലോകത്തെ തന്നെ നിക്ഷേപഗുരു ആരെന്ന ചോദ്യത്തിന് ഒരുത്തരം മാത്രമേ കാലം കാത്തു വെച്ചിട്ടുള്ളൂ. വാറൻ ബഫറ്റ് എന്ന നാമധേയമാണത്. എവിടെ, എങ്ങനെ, എപ്പോൾ നിക്ഷേപം നടത്തണമെന്നറിയാതെ ഉഴറുന്നവർക്ക് വഴിവിളക്കായി അദ്ദേഹത്തിന്റെ വാക്കുകളും, പ്രവൃത്തികളും നില കൊള്ളുന്നു. 80 വർഷത്തിലധികമായി ഐതിഹാസികമായ നിക്ഷേപ യാത്ര തുടരുന്ന, ബഫറ്റിന്റെ നിക്ഷേപത്തിന്റെ അടിസ്ഥാന രീതികളും, തന്ത്രങ്ങളുമാണ് ഇവിടെ വിശദമാക്കുന്നത്. ഇന്ത്യയിലെന്നല്ല ലോകത്തെവിടെയും നിക്ഷേപം നടത്തുന്നവർക്ക് ഇവ മാർഗ ദർശനമേകും.

1. നേരത്തെ തുടങ്ങുക, കോമ്പൗണ്ടിങ്ങിന്റെ മാജിക് അറിയുക

വാറൻ ബഫറ്റ് തന്റെ 11ാം വയസ്സിലാണ് ആദ്യമായി നിക്ഷേപം നടത്തുന്നത്. ഇതേക്കുറിച്ച് താൻ 11 വയസ്സ് വരെ ജീവിതം പാഴാക്കി കളയുകയായിരുന്നു എന്നാണ് അദ്ദേഹം ഒരിക്കൽ പറഞ്ഞത്. കൂട്ടുപലിശയുടെ ശക്തി സമ്പത്തിനെ വലിയ തോതിൽ വളർത്തിയെടുക്കും എന്ന യാഥാർത്ഥ്യമാണ് ഇവിടെ മനസ്സിലാക്കേണ്ടത്.

നിങ്ങൾക്ക് എത്ര നേരത്തെ നിക്ഷേപം തുടങ്ങാൻ സാധിക്കുമോ അത്രയും നേരത്തെ ആരംഭം കുറിക്കുക. കൂട്ടുപലിശയുടെ ശക്തിയാണ് തന്റെ ജീവിതമെന്ന ബഫറ്റിന്റെ വാക്കുകൾ ഓർമിക്കുക. ഇന്നത്തെ കാലത്ത് ചെറിയ തുക ഉപയോഗിച്ച് പോലും പല രീതികളിലും നിക്ഷേപം നടത്താൻ സാധിക്കുമെന്നത് ഓർമിക്കുക.

2. നിങ്ങൾക്ക് മനസ്സിലാക്കുന്നതിൽ മാത്രം നിക്ഷേപം നടത്തുക

നിങ്ങൾക്ക് അറിയാവുന്ന ഒരു കാര്യം ചെയ്യുന്നതാണ്, അറിയാത്ത ഒരു കാര്യം ചെയ്യുന്നതിനേക്കാൾ സുരക്ഷിതം. നിക്ഷേപത്തിന്റെ കാര്യത്തിൽ ബഫറ്റ് പിന്തുടർന്ന ലളിതമായ യുക്തിയാണിത്. റിസ്ക് കുറയുമ്പോൾ കൂടുതൽ മികച്ച തീരുമാനങ്ങളെടുക്കാൻ നിങ്ങൾക്ക് സാധിക്കും.

3. മാർക്കറ്റ് ടൈമിങ് ഒഴിവാക്കുക

സ്റ്റോക്ക് മാർക്കറ്റ് ക്ഷമയുള്ള നിക്ഷേപകർക്ക് നേട്ടം നൽകുമെന്ന് ബഫറ്റ് പറയുന്നു. വിപണിയിൽ ആവർത്തിച്ച് ടൈമിങ് നോക്കുന്നവർക്ക് പലപ്പോഴും നഷ്ടമുണ്ടാകാമെന്നും അദ്ദേഹം പറയുന്നു. ഇവിടെ വിപണിയുടെ കയറ്റിറക്കങ്ങളേക്കാൾ ദീർഘകാല നിക്ഷേപത്തിന് പ്രാധാന്യം നൽകണമെന്ന് ബഫറ്റ് ഓർമിപ്പിക്കുന്നു

4. മറ്റ് ചില നിർദ്ദേശങ്ങൾ

ചിലവ് കുറഞ്ഞ ഇൻഡെക്സ് ഫണ്ടുകൾ നിക്ഷേപം നടത്തുന്നത് യുക്തി പൂർവമായ സമീപനമാണെന്ന് ബഫറ്റ് നിർദ്ദേശിക്കുന്നു. കടം വാങ്ങിയ പണം കൊണ്ട് നിക്ഷേപം അരുതെന്നും അദ്ദേഹം പറയുന്നു. എല്ലാ മുട്ടയും ഒരു കൂടയിൽ സൂക്ഷിക്കരുതെന്നും,

വൈവിദ്ധ്യവൽക്കരണം നല്ല മാർഗമാണെന്നും ബഫറ്റ് തെളിയിച്ചിട്ടുണ്ട്. നിങ്ങളിൽത്തന്നെ ഇൻവെസ്റ്റ്മെന്റ് നടത്തി പഠനം തുടരണമെന്നും വാറൻ ബഫറ്റെന്ന ലോകോത്തര നിക്ഷേപകൻ നമ്മോട് പറയുന്നു.