ലോകത്തെ ഞെട്ടിച്ച് യുവ സംരംഭക, 3 ദിവസം കൊണ്ട് സമ്പാദിച്ചത് 1 കോടി രൂപ! സ്മാര്‍ട്ട് ഫോണിനെ പഴയകാല ലാന്‍ഡ്‌ലൈനാക്കിയ മാജിക്
Physical Phone Success Story : സ്മാര്‍ട്ട്‌ഫോണുകളില്‍ കുരങ്ങിപോകുന്ന യുവതലമുറയെ പറ്റി പലരും ആവലാതി പറയാറുണ്ട്. എന്നാല്‍ ഈ കുറ്റം പറയുന്നവര്‍ പോലും അറിഞ്ഞോ, അറിയാതെയോ പലപ്പോഴും സ്മാര്‍ട്ട്‌ഫോണുകള്‍ക്ക് അടിമപ്പെടാറുണ്ട്. പക്ഷെ ആത്മാര്‍ത്ഥമായി ആഗ്രഹിച്ചാല്‍ സാധിക്കാത്തതായി ഒന്നും തന്നെയില്ല എന്നാണല്ലോ പറയുന്നത്.
സ്‌ക്രീന്‍ സമയം കുറയ്ക്കുന്നതിനായി ഒരു യുവ ടെക് സ്ഥാപകയായ കാറ്റ് ഗോറ്റ്‌സെ നടത്തിയ ശ്രമമാണ് ഇന്നു ബിസിനസ് ലോകത്തെ ചൂടന്‍ ചര്‍ച്ച വിഷയങ്ങളില്‍ ഒന്ന്. പലരെയും പഴയ ഓര്‍മ്മപ്പെടുത്തുന്ന ഒരു കണ്ടുപിടിത്തമാണ് അവളില്‍ നിന്നുണ്ടായത്. ആശയം വൈറലായതോടെ അതൊരു ബിസിനസാക്കി മാറ്റുകയും ചെയ്തു.
ഇനി പറയുന്നത് നിങ്ങള്‍ വിശ്വസിക്കാന്‍ കുറച്ചു പാടുണ്ടാകും എന്നാല്‍ വിശ്വസിച്ചേ പറ്റൂ... കൂട്ടുകാരടക്കം മണ്ടത്തരം എന്നു വിശേഷിപ്പിച്ച ആശയം ബിസിനസായപ്പോള്‍ വെറും 3 ദിവസം കൊണ്ട് 1 കോടി രൂപയാണ് കാറ്റ് സ്വന്തമാക്കിയത്. 2 വര്‍ഷം മുമ്പാണ് എല്ലാത്തിന്റെയും തുടക്കം. സോഷ്യല്‍ മീഡിയയില്‍ 'CatGPT' എന്ന പേരില്‍ അറിയപ്പെടുന്ന കാറ്റ് ഗോറ്റ്‌സെ തന്റെ സ്മാര്‍ട്ട്‌ഫോണ്‍ അമിത ഉപയോഗം കുറയ്ക്കാന്‍ വഴികള്‍ തേടി.
ഇന്നും പഴയകാല സ്മാര്‍ട്ട്‌ഫോണുകള്‍ ഉണ്ടായിരുന്നെങ്കില്‍ അത് വളരെ നാന്നാകുമായിരുന്നു എന്നവള്‍ കുറിച്ചു. നിങ്ങള്‍ക്ക് ആ ഫോണിന്റെ വയര്‍ പിരിച്ചുകൊണ്ട് സുഹൃത്തുക്കളുമായി സംസാരിക്കാമായിരുന്നു. ഈ ചിന്തകള്‍ അവളെ ചിന്തിക്കാന്‍ പ്രേരിപ്പിച്ചു. അധികം പണം മുടക്കാതെ ഒരു പോംവഴി ആയിരുന്നു അവള്‍ തേടിയിരുന്നത്. ഒടുവില്‍ അവള്‍ ഒരു പഴയ ലാന്‍ഡ്‌ഫോണിനെ ഹൈജാക്ക് ചെയ്ത് ബ്ലൂടൂത്ത് അനുയോജ്യമാക്കാന്‍ അവള്‍ക്കു സാധിച്ചു.തന്റെ ഈ കണ്ടുപിടിത്തം ആഗ്രഹിച്ചിരുന്ന നിരവധി ആളുകള്‍ വേറെയും ഉണ്ടായിരുന്നുവെന്നവള്‍ സോഷ്യല്‍ മീഡിയയില്‍ തന്റെ പോസ്റ്റിന് ലഭിച്ച മറുപടികളില്‍ നിന്നു മനസിലാക്കി. ഇതോടെ ആശയത്തെ ഒരു ബിസനസാക്കി വിപുലപ്പെടുത്താന്‍ അവള്‍ തീരുമാനിച്ചു. തുടര്‍ന്ന് തന്റെ കണ്ടുപിടിത്തത്തെ അവള്‍ ' ഫിസിക്കല്‍ ഫോണ്‍ ' എന്നു വിശേഷിപ്പിച്ചു.അവള്‍ പുറത്തിറക്കിയ ഫിസിക്കല്‍ ഫോണുകള്‍ ബ്ലൂടൂത്ത് വഴി ഐഫോണിലേക്കും ആന്‍ഡ്രോയിഡിലേക്കും കണക്റ്റു ചെയ്യാന്‍ പ്രാപ്തമായിരുന്നു. വാട്ട്സ്ആപ്പ്, ഫേസ്ടൈം, ഇന്‍സ്റ്റാഗ്രാം പോലുള്ള ആപ്പുകളില്‍ നിന്നുള്ള കോളുകള്‍ ഈ ഫിസിക്കല്‍ ഫോണ്‍ വഴി ഉപയോഗിക്കാന്‍ സാധിക്കും. ഉപയോക്താക്കള്‍ക്ക് ഫിസിക്കല്‍ ഫോണിന്റെ നമ്പറുകള്‍ ഡയല്‍ ചെയ്ത് കോളുകള്‍ വിളിക്കാനും, സ്റ്റാര്‍ കീ വഴി വോയിസ് അസിസ്റ്റന്റ് ഉപയോഗിക്കാനും സാധിക്കുന്നതായിരുന്നു ഈ കണ്ടുപിടിത്തം.2025 ജൂലൈയില്‍ 15- 20 പ്രീ ഓര്‍ഡറുകള്‍ പ്രതീക്ഷിച്ചുകൊണ്ട് ഗോറ്റ്‌സെ തന്റെ ഫിസിക്കല്‍ ഫോണ്‍ എന്ന ഉപകരണം വിപണികളില്‍ എത്തിക്കുകയായിരുന്നു. എന്നാല്‍ സ്‌ക്രീന്‍ സമയം കുറയ്ക്കണമെന്ന് ആത്മാര്‍ത്ഥമായി ആഗ്രഹിച്ചിരുന്നവര്‍ കാറ്റിന്റെ ഈ വേറിട്ട ആശയം ഏറ്റെടുക്കാന്‍ തയ്യാറായി. നൂറുകണക്കിന് ഓര്‍ഡറുകളാണ് മണിക്കൂറുകള്‍ക്കുള്ളില്‍ കാറ്റിനെ തേടിയെത്തിയത്.