വ്യക്തിഗത വായ്‌പയെടുത്തിട്ടുണ്ടോ? സ്റ്റേറ്റ്മെന്റിൽ അവഗണിക്കാൻ പാടില്ലാത്ത 5 കാര്യങ്ങൾ

എന്തെങ്കിലും പെട്ടന്നുള്ള സാമ്പത്തിക വശ്യം വന്നാൽ ഒരു വ്യക്തി ആശ്രയിക്കുന്നത് വ്യക്തിഗത വായ്പകളെയായിരിക്കും. ഏതെങ്കിലും തരത്തിലുള്ള മെഡിക്കൽ എമർജൻസിയോ, സർജ്ജറി ചിലവോ, വീട് പുതുക്കി പണിയലോ അങ്ങനെ ഏതുമാകട്ടെ അത്യാവശ്യ ചിലവിനു വ്യക്തിഗത വായ്പ വളരെ ഗുണം ചെയ്യും. ഒരു അതാവശ്യ ഘട്ടത്തിൽ മാത്രമാണ് ഇത്തരം വായ്പകളെ കുറിച്ച് ചിന്തിക്കുകയുള്ളു. എന്നാൽ ഇത്തരം വായ്പകൾ നമ്മൾ എടുക്കുകയാണെങ്കിൽ ശ്രദ്ധിക്കേണ്ട ചില കാര്യങ്ങളുണ്ട്. അതിലൊന്നാണ് സ്റ്റേറ്റ്മെന്റ്. ഒരു വ്യക്തിഗത വായ്പയുടെ സ്റ്റേറ്റ്മെന്റിൽ നമ്മൾ ശ്രദ്ധിക്കേണ്ടതായ ശ്രദ്ധിക്കേണ്ട ധാരാളം കാര്യങ്ങളുണ്ട്. വായ്പ അനുവദിച്ചു കഴിഞ്ഞാൽ ഉടനെ തന്നെ ഇതുമായി ബന്ധെപെട്ട സ്റ്റേറ്റ്മെന്റ് നമുക്ക് ലഭിക്കും. ത്തിൽ നിങ്ങൾ ഒരിക്കലും ഇക്കാര്യങ്ങൾ അവഗണിക്കരുത്.

അടക്കാൻ ബാക്കിയുള്ള തുക

സ്റ്റേറ്റ്മെന്റിലെ ഓപ്പണിങ് ഒപ്പം ക്ലോസിങ് ബാലൻസ് നമ്മുടെ തിരിച്ചടവ് തുകയു, കാലാവധി എന്നിവയ്ക്ക് അനുസൃതമായിട്ടാണ് ഉള്ളത് എന്നുറപ്പുവരുത്തുക. എന്തെങ്കിലും തരത്തിലുള്ള പൊരുത്തക്കേട് നൽകിയ വായ്പ അപേക്ഷയിലെ പിഴവ് മൂലമാകാം

ഇ എം ഐ

വായ്പ അഗ്രിമെന്റിൽ പറഞ്ഞിട്ടുള്ള തുക തന്നെയാണ് ഇ എം ഐ ആയിട്ട് പോകുന്നതെന്ന് ഉറപ്പു വരുത്തുക. ഫ്ലോട്ടിങ് നിരക്കിന്റെ അടിസ്ഥാനത്തിൽ ഇ എം ഐ തുകയിൽ എന്തെങ്കിലും വ്യത്യാസം വന്നിട്ടുണ്ടെങ്കിൽ വായ്പ നൽകിയവരെ അറിയിക്കുക

പലിശ നിരക്ക്

സ്റ്റേറ്റ്മെന്റിൽ വാർഷിക നിരക്ക് സൂചിപ്പിച്ചിട്ടുണ്ട് എന്ന് ഉറപ്പു വരുത്തുക. ഏതെങ്കിലും വിധത്തിലുള്ള മാറ്റം ഉണ്ട് എങ്കിൽ സമയ ബന്ധിതമായി മനസിലാകുന്നതിനുള്ള നടപടികൾ സ്വീകരിക്കുക

അധിക തുകയും ഫീസും

സ്റ്റേറ്റ്മെന്റിൽ പ്രോസസ്സിംഗ് ഫീസ്. ജി എസ് ടി, ഫൈൻ, എന്നിങ്ങനെയുള്ള വിവിധ നിരക്കുകളെ കുറിച്ച കൃത്യമായി പ്രതിപാദിച്ചിട്ടുണ്ടെന്ന് ഉറപ്പു വരുത്തുക. വിവിധ തരത്തിലുള്ള ഫീസുകളാണ് വ്യക്തിഗത വായ്പയ്ക്ക് ഈടാക്കുന്നത്. അതിലൊന്ന് ഇ എം ഐ കൃത്യ സമയത്ത് അടക്കാതെ വരുമ്പോൾ നൽകുന്ന പിഴയാണ്. ഇതിനു ഒരു ഫീസ് വായ്പ ദാതാവ് ചുമത്തും. ഇതിനു പുറമെ ഒരു പലിശയും ഈടാക്കുന്നുണ്ട്. പ്രോസസ്സിംഗ് ഫീസാണ് അടുത്തത്. ഡോക്യുമെന്റേഷന് വേണ്ടിയുള്ള ഫീസാണ് അടുത്തത്. വായ്പ എടുക്കുന്നതിനു വേണ്ടി വന്ന പേപ്പർ വർക്കുകൾക്കുള്ള വിലയാണത്.

തിരിച്ചടവ് നടത്തിയതിനുള്ള രേഖ

നമ്മൾ കൃത്യമായി ഇ എം ഐ തിരിച്ചടക്കുമ്പോൾ എത്ര ഇ എം ഐ ഇതുവരെ അടച്ചു തീർത്തു എന്നതും സ്റ്റേറ്റ്മെന്റിൽ പ്രതിപാദിക്കുന്നുണ്ട്. ഏതെങ്കിലും തരത്തിൽ തെറ്റായി പെന്റിങ് പേയ്‌മെന്റ് വരുന്നുണ്ടോ എന്ന് ഉറപ്പു വരുത്തുക. ഇത് ഒരു വ്യക്തിയുടെ ക്രെഡിറ്റ് സ്കോറിനെ ദോഷമായി ബാധിക്കും.

വ്യക്തിഗത വായ്പകൾ കൃത്യമായി പരിശോധിക്കുന്നത് വഴി എന്തെങ്കിലും തരത്തിൽ വരുന്ന പിഴവുകൾ കണ്ടെത്താനും അത് പരിഹരിക്കാനും ഒരു വ്യക്തിക്ക് സാധിക്കുന്നു.

.

.

.