പോക്കറ്റിനിണങ്ങും', ഏതാനും ദിവസങ്ങൾ മാത്രം ലഭ്യം; ബി.എസ്.എൻ.എല്ലിന്റെ ശിശുദിന പ്ലാൻ

പൊതുമേഖലാ സ്ഥാപനമായ ഭാരത് സഞ്ചാർ നിഗം ലിമിറ്റ‍ഡ് (BSNL), ഈ ശിശു ദിനത്തിൽ കുട്ടികൾക്കായി പുതിയ ഒരു പ്ലാൻ അവതരിപ്പിച്ചിരിക്കുന്നു. 2025 നവംബർ 14 മുതൽ ഒരു മാസത്തേക്ക്, അതായത് ഡിസംബർ 13 വരെയാണ് 251 രൂപയുടെ ഈ പ്ലാൻ ലഭ്യമാവുകയെന്ന് കേന്ദ്ര വാർത്താവിനിമയ മന്ത്രാലയം അറിയിച്ചു.

പ്ലാൻ ഇങ്ങനെ...

251 രൂപയുടേതാണ് പുതിയ പ്ലാൻ. ഹൈ സ്പീഡ് 100GB ഡാറ്റ, പരിധിയില്ലാത്ത വോയിസ് കോൾ, പ്രതിദിനം 100 SMS എന്നിവയാണ് ഈ പ്ലാനിലൂടെ ലഭ്യമാവുക. 28 ദിവസമാണ് കാലാവധി.

ഇന്ത്യയിൽ ഉടനീളം ബി.എസ്.എൻ.എൽ മേക് ഇൻ ഇന്ത്യ 4G സേവനങ്ങൾ ലഭ്യമാക്കിയതായി ഈ പ്ലാനിനെക്കുറിച്ച് വിശദീകരിക്കവെ ബി.എസ്.എൻ.എൽ സി.എം,.ഡി, എ. റോബർട് ജെ.രവി പറഞ്ഞു. സ്വന്തമായി 4G മൊബൈൽ സങ്കേതം വികസിപ്പിച്ച ലോകത്തെ അഞ്ചാമത്തെ രാജ്യമാണ് ഇന്ത്യ. ഏതാനും നാളുകളായി ബി.എസ്.എൻ.എൽ 4G വികസനവുമായി ബന്ധപ്പെട്ട് ബദ്ധശ്രദ്ധ പുലർത്തിപ്പോരുന്നു.

തദ്ദേശീയമായി വികസിപ്പിച്ച 4G സേവനങ്ങൾ അഭിമാനത്തോടെ ഉപയോഗിക്കാൻ പുതിയ പ്ലാൻ വിദ്യാർത്ഥികൾക്ക് മികച്ച അവസരമാകും. 100GB വരെ ഉയർന്ന സ്പീഡിൽ 28 ദിവസത്തെ ഫുൾ പീരിയഡിൽ ഈ പായ്ക്ക് ഉപയോഗിക്കാം.

വളരെ മത്സരക്ഷമതയുള്ള, പോക്കറ്റിനിണങ്ങുന്ന ഒരു പ്ലാനാണിത്. അക്കാഡമിക് ആവശ്യങ്ങൾക്ക് വലിയ വോളിയത്തിലുള്ള ഡാറ്റ ആവശ്യമുള്ള വിദ്യാർത്ഥികൾക്ക് ഇത് പ്രയോജനം ചെയ്യും. ഒരിക്കൽ ബി.എസ്.എൻ.എൽ 4G സേവനങ്ങൾ ഉപയോഗിക്കുന്നതോടെ അവർ കമ്പനിയുമായുള്ള ബന്ധം ദീർഘ നാളത്തേക്ക് തുടരുമെന്നാണ് പ്രതീക്ഷിക്കുന്നത്. മികച്ച സർവീസ് ക്വാളിറ്റി, കവറേജ് എന്നിവ ബി.എസ്.എൻ.എൽ ഉറപ്പ് നൽകുന്നതായും അദ്ദേഹം പറഞ്ഞു.