കാർ വാങ്ങാനുള്ള പ്ലാനിലാണോ? ഈ ബാങ്കുകളുടെ നിരക്കുകൾ നോക്കിവച്ചോളു

ഓഗസ്റ്റിൽ പ്രധാന മന്ത്രി ജി എസ് ടി ആനുകൂല്യം പ്രഖ്യാപിച്ചതിന് ശേഷം ഏറ്റവും നേട്ടം പ്രതിഫലിച്ചത് ഓട്ടോമൊബൈൽ സെക്ടറിലാണ്. ഇതിൽ തന്നെ കാറുകളുടെ റെക്കോർഡ് വില്പന ഫെസ്റ്റിവ് സീസണിൽ നടന്നു. ജി എസ് ടി ആനുകൂല്യം കമ്പനികൾ അതുപോലെ അവരുടെ വാഹന വിലയിൽ പ്രവർത്തികമാക്കിയതിനാൽ പലർക്കും കാർ വാങ്ങണമെന്ന് ആഗ്രഹം ഉണ്ടാകും. ആർ ബി ഐ പലിശ നിരക്ക് കുറച്ചതും വായ്പ പലിശയിൽ പ്രതിഫലിച്ചിട്ടുണ്ട്. നവംബർ മാസത്തിൽ വിവിധ ബാങ്കുകൾ നിരക്കിൽ മാറ്റം വരുത്തിയിട്ടുണ്ട്. പൈസ ബസാർ പുറത്തു വിട്ട കണക്കു പ്രകാരം 7.6 ശതമാനം പലിശ നിരക്ക് മുതൽക്കാണ് ആരംഭിക്കുന്നത്. 5 ലക്ഷം രൂപ വരെയുള്ള വായ്പക്ക് 5 വർഷ കാലയളവിലേക്ക് 10043 രൂപ മുതൽ 11699 രൂപ വരെയാണ് പലിശ ഈടാക്കുന്നത്.

യുക്കോ ബാങ്ക് : ബാങ്കിന്റെ പലിശ നിരക്ക് 7.6 ശതമാനമാണ്. ഇലക്ട്രിക്ക് വാഹനങ്ങൾ ഉൾപ്പെടെ എല്ലാ കാറുകൾക്കും പ്രോസസ്സിംഗ് ഫീസ് ഈടാക്കുന്നില്ല. പ്രതി മാസം 10043 രൂപയാണ് പലിശ വരുന്നത്.

കാനറാ ബാങ്ക് : ബാങ്കിന്റെ നിരക്ക് 7.7 ശതമാനത്തിൽ നിന്നുമാണ് ആരംഭിക്കുന്നത്. ഈ വർഷം ഡിസംബർ വരെ പ്രോസസ്സിംഗ് ഫീ ഈടാക്കുന്നില്ല. പ്രതിമാസം 10067 രൂപ മുതൽക്കാണ് പലിശ ആരംഭിക്കുന്നത്.

യൂണിയൻ ബാങ്ക് : യൂണിയൻ ബാങ്ക് കാർ വായ്പയ്ക്ക് 7.8 -9.7 ശതമാനം വരെയാണ് പലിശ ഈടാക്കുന്നത്. 1000 രൂപ വരെയാണ് പ്രോസസ്സിംഗ് ഫീസ്. പ്രതിമാസം 10090 രൂപ മുതൽ 10550 രൂപ വരെയാണ് പലിശ ഈടാക്കുന്നത്.

എച്ച് ഡി എഫ് സി ബാങ്ക് : ബാങ്കിൽ 9.2 ശതമാനം മുതൽക്കാണ് നിരക്ക് ആരംഭിക്കുന്നത്. പലിശ 10428 രൂപ മുതൽക്ക് ആരംഭിക്കും. പ്രോസസ്സിംഗ് ഫീസ് 3500 -9000 രൂപ വരെയാണ് ഈടാക്കുന്നത്. വായ്പ തുകയുടെ 1% പ്രോസസ്സിംഗ് ഫീസായി ചാർജ് ചെയ്യുന്നത്.

പഞ്ചാബ് നാഷണൽ ബാങ്ക് : ബാങ്ക് 7.8 -9.7 ശതമാനം വരെ പലിശ ഈടാക്കുന്നുണ്ട്. പ്രോസസ്സിംഗ് ഫീ വായ്പ തുകയുടെ 0.25 ശതമാനം വരെയാണ് ചുമത്തുന്നത്. അതായത് 1000 -1500 രൂപ വരെ പ്രോസസ്സിംഗ് ഫീസുണ്ട്. പലിശ 10090 -10550 രൂപ മുതൽക്കാണ് ആരംഭിക്കുന്നത്.

ബാങ്ക് ഓഫ് ബറോഡ : കാർ വായ്പയ്ക്ക് 7.85 -12.15 ശതമാനം വരെയാണ് ബാങ്ക് ഓഫ് ബറോഡ പലിശ ഈടാക്കുന്നത്. 10174 -11021 രൂപ വരെ പലിശയായി അടച്ചു തുടങ്ങണം. 2000 രൂപ വരെയാണ് പ്രോസസ്സിംഗ് ഫീസ്.