ഭൂട്ടാനിൽ നിന്ന് കൃത്രിമമായി കൊണ്ടുവന്ന 36 വാഹനങ്ങൾ പിടിച്ചെടുത്തു; ദുൽഖർ ഉൾപ്പെടെ നടന്മാർക്ക് സമൻസ്

കസ്റ്റംസ് നടത്തിയ വൻ പരിശോധനയിൽ ഭൂട്ടാനിൽ നിന്ന് കൃത്രിമ രേഖകൾ ഉപയോഗിച്ച് ഇന്ത്യയിൽ എത്തിച്ച 36 ആഡംബര വാഹനങ്ങൾ പിടിച്ചെടുത്തു. 2014-ലെ മോഡലുകൾ 2005-ലെ രജിസ്‌ട്രേഷൻ രേഖകളിൽ ഉൾപ്പെടുത്തിയതടക്കമുള്ള വ്യാജ രേഖകളാണ് ഉപയോഗിച്ചത്. നടന്മാരായ ദുൽഖർ സൽമാനും അമിത് ചക്കാലയ്ക്കലും ഉൾപ്പെടെ പലരുടെയും പേരിൽ രജിസ്റ്റർ ചെയ്ത വാഹനങ്ങളാണ് പിടിച്ചെടുത്തത്. രേഖകളുമായി നേരിട്ട് ഹാജരാകാൻ ഇവർക്കു സമൻസ് നൽകുമെന്നും കസ്റ്റംസ് അറിയിച്ചു.