Entertainment
പേരൻപിലെ പ്രകടനത്തിന് മമ്മൂട്ടിക്ക് ദേശീയ പുരസ്കാര സാധ്യത
ദേശീയ പുരസ്കാര സാധ്യതാപ്പട്ടികയിൽ മലയാളം ഉറ്റു നോക്കുന്ന പേരുകളിലൊന്നാണ് മെഗാസ്റ്റാര്‍ മമ്മൂട്ടിയുടേത്. തമിഴ് ചിത്രമായ ‘പേരന്‍പ്’ ആണ് മമ്മൂട്ടിയെ മികച്ച നടനുള്ള പുരസ്കാരത്തിലേക്ക് എത്തിക്കാന്‍ സാധ്യതയുള്ള ചിത്രം എന്നാണ് ആരാധകരും നിരൂപകരും ഒരുപോലെ വിശ്വസിക്കുന്നത്.
സ്പാസ്റ്റിക് പരാലിസിസ് എന്ന ശാരീരിക അവസ്ഥയിലൂടെ കടന്നുപോകുന്ന ഒരു പെൺകുട്ടിയുടെ ജീവിതവും അവളുടെ പിതാവിന്റെ നിസ്സഹായതാവസ്ഥയുമാണ് ‘പേരൻപി’ലൂടെ സംവിധായകൻ റാം പറഞ്ഞത്. ചിത്രത്തിലെ അമുദവൻ എന്ന കഥാപാത്രം ഏറെ ശ്രദ്ധിക്കപ്പെടുകയും റോട്ടർഡാം ഫിലിം ഫെസ്റ്റിവലിലും ഗോവൻ ചലച്ചിത്രമേളയിലും ചിത്രം നിരൂപക പ്രശംസ നേടുകയും ചെയ്തിരുന്നു.