പ്രിത്വി ഇനി സംവിധായകന്റെ റോളിൽ

അഭിനയ രംഗത്ത് ശോഭനമാർന്ന പ്രകടനങ്ങൾ കാഴ്ചവച്ചതിന് ശേഷം പ്രിത്വിരാജ് സംവിധാന രംഗത്ത് ചുവടു വയ്ക്കുന്നു. നടനെന്ന നിലയിൽ നൂറ് സിനിമകൾ പൂർത്തിയാക്കിയ പ്രിത്വി ഇനി 6 മാസത്തേക്ക് സംവിധായകന്റെ റോളിലാണ് എത്തുന്നത്. പ്രിത്വി ആദ്യമായി സംവിധാകയകനാകുന്ന ലൂസിഫർ ചിത്രത്തിന്റെ ഫസ്റ്റ് ലുക്ക് പോസ്റ്റർ നേരത്തെ പുറത്തിറങ്ങിയിരുന്നു. മോഹൻലാലാണ് ലൂസിഫറിൽ നായകനായെത്തുന്നത്. മുഖം കാണിക്കാതെ മുണ്ടെടുതിരിക്കുന്ന മോഹൻലാലിന്റെ ചിത്രമാണ് ആരാധകർക്ക് മുന്നിൽ എത്തിച്ചിരിക്കുന്നത്. സിനിമയുടെ തിരക്കഥ നിർവഹിക്കുന്നത് മുരളി ഗോപിയാണ്.

വർഷങ്ങളായി സിനിമ സംവിധാന മോഹവുമായി നടക്കുകയായിരുന്നു പ്രിത്വിരാജ്. നടനെന്ന നിലയിലുള്ള തിരക്കുകൾ കാരണം അത് നടന്നില്ലെന്ന് അദ്ദേഹം വ്യക്തമാക്കുന്നു. ലൂസിഫർ പൂർത്തിയായതിന് ശേഷം അടുത്തവർഷമായിരിക്കും പ്രിത്വിരാജ് സിനിമയിൽ അഭിനയിക്കുന്നത്..