ചെന്നൈയ്ക്ക് വേണ്ടി 200 ഐ പി എൽ മത്സരം പൂർത്തിയാക്കി ധോണി; റെക്കോർഡ് നേട്ടം

ചെന്നൈ സൂപ്പർ കിങ്‌സിനു വേണ്ടി 200 മത്സരങ്ങൾ പൂർത്തിയാക്കുന്ന ആദ്യത്തെ താരമായി മഹേന്ദ്ര സിംഗ് ധോണി. ഇന്നലെ പഞ്ചാബുമായി നടന്ന മത്സരത്തിലാണ് ധോണി ഈ റെക്കോർഡ് നേട്ടം സ്വന്തമാക്കിയത്. 200 മത്സരങ്ങളിൽ 176 മത്സരങ്ങൾ ഐപിഎല്ലിലും 24 മത്സരങ്ങൾ ചാമ്പ്യൻസ് ലീഗിലും ധോണി ചെന്നൈയുടെ മഞ്ഞക്കുപ്പായമണിഞ്ഞു.

ചെന്നൈ ടീമിന് വിലക്ക് വന്ന രണ്ടു വർഷങ്ങളിലൊഴികെ എല്ലാ സീസണിലും ചെന്നൈക്കൊപ്പമായിരുന്നു ധോണി കളിച്ചത്. എല്ലാ സീസണിലും അവരുടെ നായകനും ധോണിയായിരുന്നു. 200 മത്സരം പൂർത്തിയാക്കിയതിന്റെ ഭാഗമായി ഇന്നലെ മത്സരശേഷം ഡ്രെസിങ് റൂമിൽ കേക്ക് മുറിച്ചുള്ള ആഘോഷങ്ങളും ഉണ്ടായി.