അഭിജിത് ബോസ് വാട്സ്‌ആപ്പ് ഇന്ത്യയുടെ മേധാവി
മലയാളിയും കൊച്ചി സ്വദേശിയുമായ അജിത് മോഹന്‍ ഫെയ്സ്ബുക്ക് ഇന്ത്യ മേധാവിയാകും. നിലവില്‍ പ്രമുഖ വീഡിയോ സ്ട്രീമിംഗ് സേവനമായ ഹോട് സ്റ്റാറിന്റെ സിഇഒയുമായ അജിത് അടുത്തവര്‍ഷം ആദ്യം ചുമതലയേല്‍ക്കും. ഇന്ത്യയില്‍ ഫെയ്സ്ബുക്കിന്റെ എല്ലാ പ്രവര്‍ത്തനങ്ങളുടെയും ചുമതല അജിത്തിനുണ്ടാകും. ഫെയ്സ്ബുക്ക് ഇന്ത്യയുടെ മാനേജിംഗ് ഡയറക്ടര്‍, വൈസ് പ്രസിഡന്റ് എന്നീ ചുമതലകളായിരിക്കും വഹിക്കുക.
പെന്‍സില്‍വാനിയ സര്‍വകലാശാലയില്‍നിന്ന് സാമ്പത്തിക ശാസ്ത്രത്തില്‍ അജിത് എംബിഎം കരസ്ഥമാക്കിയിട്ടുണ്ട്. 2008-ല്‍ ഇന്ത്യയിലെത്തി നഗരവികസന മന്ത്രാലയത്തിലും പ്ലാനിംഗ് കമ്മിഷനിലും പ്രവര്‍ത്തിച്ചു.
ഫെയ്സ്ബുക്ക് ആസ്ഥാനമായ കാലിഫോര്‍ണിയയിലെ മെന്‍ലോ പാര്‍ക്കിന്റെ നേരിട്ടുള്ള നിയന്ത്രണത്തിലായിരിക്കും ഇന്ത്യന്‍ മേധാവിയുടെ പ്രവര്‍ത്തനം. ഫെയ്സ്ബുക്കിന്റെ ഇന്ത്യന്‍ മേധാവിയായിരുന്നു ഉമംഗ് ബേദി കഴിഞ്ഞവര്‍ഷം ഒക്ടോബറിലാണ് രാജിവച്ചത്.