ടെക്‌നോപാര്‍ക്കിൽ പ്രവേശിക്കാൻ ആപ്പ്
തിരുവനന്തപുരം: ഒടുവില്‍ ടെക്‌നോപാര്‍ക്ക് സ്മാര്‍ട്ടാകുന്നു. പുതിയ സംവിധാനം അനുസരിച്ച്‌ ടെക്‌നോപാര്‍ക്ക് സന്ദര്‍ശിക്കേണ്ട കമ്ബിനിക്ക് മൊബൈല്‍ ആപ് വഴി റിക്വസ്റ്റ് അയയ്ക്കാം. അവര്‍ അംഗീകരിച്ചാല്‍ അതിന്റെ ഡിജിറ്റല്‍ റെസീപ്റ്റ് സ്വന്തം മൊബൈലില്‍ വരും. ഇതു കാണിച്ചാല്‍ പ്രവേശിക്കാന്‍ സാധിക്കും. ടെക്‌നോപാര്‍ക്കില്‍ പ്രവേശനത്തിന് ഡിജിറ്റല്‍ സംവിധാനം ഉപയോഗിക്കണമെന്ന വര്‍ഷങ്ങളായുള്ള ആവശ്യമാണ് സാധ്യമായിരിക്കുന്നത്. മൊബൈല്‍ ആപ്/ബ്രൗസര്‍ എന്നിവയിലൂടെ ഓണ്‍ലൈന്‍ വിസിറ്റേഴ്സ് മാനേജ്മെന്റ് സംവിധാനം ഉപയോഗിക്കാം ഗൂഗിള്‍ പ്ലേ സ്റ്റോറില്‍ നിന്ന് 'Technopark Visitors' എന്ന ആപ് ഡൗണ്‍ലോഡ് ചെയ്ത ശേഷം വ്യക്തിഗത വിവരങ്ങള്‍ നല്‍കി സേവനം ലഭ്യമാക്കാം. കമ്ബനികള്‍ക്ക് അവരുടെ അതിഥികള്‍ക്ക് തിരികെ ക്ഷണം അയയ്ക്കാനും കഴിയും. ഐഡി പ്രൂഫ്, ചിത്രം എന്നിവ പകര്‍ത്തുന്നതിനാല്‍ സുരക്ഷയും കാര്യക്ഷമമാകും.