വാടക കാറുകൾ ലഭ്യമാകും ഒറ്റ ക്ലിക്കിൽ

സംസ്ഥാനത്തുടനീളം വാടക കാറുകൾ ലഭ്യമാക്കാൻ ഇനി ഒരു ക്ലിക്കിന്റെ അകലം മാത്രം. ആദ്യ ഓൺലൈൻ റെന്‍റ് എ കാർ സർവീസ് രാജ്യത്തെ പ്രമുഖ ഓട്ടോ മൊബൈൽ ഡീലറായ ഇൻഡസ് മോട്ടോഴ്സാണ് ആരംഭിക്കുന്നത്. ഡ്രൈവറുടെ സേവനമില്ലാതെ വാടക കാര്‍ സ്വന്തമായി ഓടിച്ച് യാത്ര ചെയ്യാൻ ആഗ്രഹിക്കുന്നവര്‍ക്ക് ഒരു സന്തോഷവാർത്തയാണിത്.

ഇൻഡസ് ഗോ എന്നാണ് സംസ്ഥാനമൊട്ടാകെ ലഭ്യമാകുന്ന ഈ ഓണ്‍ലൈന്‍ സംവിധാനത്തിന പേര് നൽകിയിട്ടുള്ളത്. വിമാനത്താവളം, റെയിൽവേ സ്റ്റേഷനുകൾ എന്നിവയ്ക്കെല്ലാം പുറമെ വീടുകളിലും കാറുകൾ എത്തിച്ചു തരും എന്നതാണ് ഇൻഡസ് ഗോയുടെ പ്രധാന പ്രത്യേകത.
ഓരോരുത്തരുടെയും ആവശ്യങ്ങൾക്കനുസരിച്ച് വലിയ വാഹനനിരയും ഒരുക്കിയിട്ടുണ്ട്. പ്രീമിയം ലക്ഷുറി വാഹനങ്ങൾ, എക്സിക്യൂട്ടീവ് സെഡാനുകൾ, എസ് യുവികൾ തുടങ്ങി വിവിധ കമ്പനികളുടെ കാറുകളും ഇൻഡസ് ഗോയിൽ ലഭ്യമാണ്. നിലവിൽ കേരളത്തില്‍ 40 കേന്ദ്രങ്ങളാണ് തുറന്നത്. വരും മാസങ്ങളിൽ ഇന്ത്യയിലെ മറ്റ് മെട്രോ നഗരങ്ങളിലേക്കും സർവീസ് വ്യാപിപ്പിക്കാനും കമ്പനിക്ക് പദ്ധതിയുണ്ട്.